ہاتھوں سے محروم لیکن ارادے چٹانوں کی طرح بلند کراچی کا باہمت جوان بنا عزم و ہمت کی اعلی مثال محرومی کو مجبوری نا بننے دیا۔

سکندر کی عمر جب 12 سال تھی توتیز دھارمشین سے دونوں ہاتھ کٹوا بیٹھا اور ایک وقت آیا جب گھروالوں نے بھی اس کا ساتھ چھوڑ دیا لیکن سکندر نے ہمت نہیں ہاری اورحالات کا ڈٹ کرمقابلہ کرنے کا عزم کیا۔

آج نیوزسے گفتگو میں کہا کہ رزق دینے والی ذات تو اللہ کی ہے، تو میں بھیک کیوں مانگوں گا، چھوٹا ہی تھا جب دونوں ہاتھ کٹ گئے، یہ سوچ تھی کہ حالات ضرور بدلیں گے میں گاؤں چھوڑکر کراچی آگیا۔

حادثے میں دونوں ہاتھ گنوا کر سکندر رزق حلال کماتا خوددارمحنت کش سب کیلئے زندہ مثال ہے۔