ایبٹ آباد کے علاقے شیروان میں پتھر کی کان بیٹھنے سے 5 مزدور پھنس گئے، جن میں سے 2 مزدور جاں بحق ہوگئے۔

ایبٹ آباد کے علاقے شیروان کے گاؤں بانڈی نکڑا میں پتھر کی کان بیٹھ گئی، جس کے نتیجے میں 5 مزدور پھنس گئے۔

ریسکیو 1122 نے امدادی کارروائیاں کرتے ہوئے 3 مزدوروں کو بحفاظت نکال لیا جبکہ 2 مزدور شعیب ولد صدیق اور ساجد ولد اورنگزیب جاں بحق ہو گئے۔

جاں بحق ہونے والے مزدوروں کی لاشیں ورثا کے حوالے کر دی گئیں۔