حال میں ہی دل دہلا دینے والا واقعہ پیش آیا جہاں ایک ماں نے بچے کو جنم دینے کے فوراً بعد ہی ساڑھے چارلاکھ روپے کےعوض فروخت کردیا۔
میڈیا رپورٹ کے مطابق پولیس نے ماں سمیت 11 افراد کو گرفتارکرلیا، واقعہ بھارتی ریاست جھاڑکھنڈ کے ضلع چترا میں پیش آیا اور بچے کو فروخت کرنیوالی ماں کی شناخت دیوی کے نام سے ہوئی ہے۔
واقعے کی اطلاع علاقے کے ڈپٹی کمشنر ابوعمران کو ملی، جبکہ سب ڈویژنل پولیس آفیسر اویناش کمار کے مطابق اطلاع ملنے کے بعد پولیس نے فوری ایکش لیتے ہوئے 24 گھنٹوں کے اندر بوکارو ضلع سے نومولود بچے کو بچا لیا۔
میڈیا سے بات کرتے ہوئے پولیس کا کہنا ہے کہ بچے کو فروخت کرنے والی ماہ کے قبضے سے ایک لاکھ روپے ضبط کرلئے ہیں۔
پولیس نے بتایا کہ انہوں نے ہزاری باغ ضلع کے بڈکاگاؤن گاؤں کے ایک جوڑے نے دو دلالوں کے ساتھ ساڑھے چار لاکھ روپے میں نوزائیدہ بچے کا سودا کیا تھا لیکن بچے کی ماں کو ایک لاکھ روپے دیے گئے اور باقی ساڑھے تین لاکھ روپے دلالوں میں بانٹ دیے گئے۔
