چڑیا گھرکے ٹھیکیدار نے رقم نہ ملنے پر جانوروں اور پرندوں کو کھانا دینا بند کردیا، جانوروں کا کھانا کل سے بند کیا گیا ہے۔

گزشتہ روز ٹھیکیدار نے خوراک بند کرنے کے حوالے سے وزیر بلدیات اور ایڈمنسٹریٹر کراچی کو خط لکھا ہے۔

خط میں کہا گیا ہے کہ کھانا دینا اب کراچی میونسپل کارپوریشن (کے ایم سی) کی ذمہ داری ہوگی، بہت سے جانور، پرندے چڑیا گھر کی انتظامیہ کی غفلت سے مر چکے ہیں۔

کے ایم سی ٹھیکیدارنے خط میں کہا کہ ”ہم کراچی چڑیا گھر میں ہم ماہانہ بنیاد پر جانوروں کی خوراک کی فراہم کر رہے ہیں اور اس سلسلے میں ہم نے اب تک آپ کے شعبے میں 82 لاکھ روپے کے بل جمع کروا چکے ہیں مگر ان بلوں کی اب تک ادائیگی نہیں کی گئی۔“

ٹھیکیدارکا کہنا تھا کہ مارکیٹ کے سپلائر ہم پر دباؤ ڈال رہے ہیں کہ وہ اب مال ادھار پر دینے کے لئے تیار نہیں، لہٰذا آپ فوری طور پر رقم کی ادائیگی کا انتظام کریں۔

انہوں نے خبر دار کیا تھا کہ اگر بل کی ادائیگی نہیں کی گئی تو 21 مارچ سے جانوروں کو خوراک فراہم نہیں کی جائے گی۔

دوسری جانب چڑیا گھر انٹطامیہ کا کہنا ہے کہ جانور اور پرندے کمزور ہو چکے ہیں۔