الیکشن کمیشن آف پاکستان نے پنجاب میں عام انتخابات کے لئے اپیلٹ ٹریبونلز قائم کردیے۔

الیکشن کمیشن کی جانب سے 10 اپیلٹ ٹریبونلز کے قیام کا نوٹیفکیشن جاری کردیا گیا۔

الیکشن کمیشن کا کہنا ہے کہ ٹریبونلز آر اوز کے فیصلوں کے خلاف اپیلیں نمٹائیں گے۔

دوسری جانب الیکشن کمیشن نے پنجاب اور خیبرپختونخوا میں انتخابات کے معاملے پر آج اجلاس طلب کر لیا۔

اجلاس کی صدارت چیف الیکشن کمشنر سکندر سلطان راجہ کریں گے، جس میں ممبران، سیکرٹری، اسپشل سیکرٹری اور لاء ونگ کے حکام شریک ہوں گے۔

اجلاس میں دونوں صوبوں کے چیف سیکرٹریز، آئی جیز اور دیگر اسٹیک ہولڈرز کی بریفنگ کا جائزہ لیا جائے گا جبکہ الیکشن کمیشن گورنر کے پی کے خط کا بھی جائزہ لے گا۔