تحریک انصاف کے رہنما علی امین گنڈا پور کے خلاف پولیس چیک پوست پر مبینہ ہنگامہ آرائی اور فائرنگ کی ایف آئی آر درج کرلی گئی۔

تحریک انصاف کے رہنما علی امین گنڈا پور کے خلاف پولیس چیک پوسٹ پر مبینہ طور پر فائرنگ اور ہنگامہ آرائی کی ایف آئی آر درج کرلی گئی ہے، اور ایف آئی آر میں دہشت گردی سمیت 13 دفعات شامل کی گئی ہیں۔

پولیس کی جانب سے درج ایف آئی آر میں کہا گیا ہے کہ علی امین گنڈا پور 9 گاڑیوں سمیت داجل چیک پوسٹ کے قریب پہنچے، انہیں جب چیک پوسٹ پر روکا گیا تو وہ مشتعل ہوگئے۔

پولیس کے مطابق علی امین اور ان کے 20 مسلح ساتھیوں نے چیک پوسٹ میں ہنگامہ آرائی شروع کردی، اور اس دوران علی امین گنڈا پور نے اپنے گارڈز کو فائرنگ کا حکم دیا، جس پر فائرنگ شروع ہوگئی اور گولیاں پولیس کی گاڑی میں لگیں، اہلکاروں نے مشکل سے جان بچائی۔

ایف آئی آر میں یہ بھی بتایا گیا ہے کہ علی امین اپنے ساتھیوں کے ہمراہ بیرئر توڑ کر ڈیرہ اسماعیل خان فرار کی جانب فرار ہوگئے، اس دوران پولیس نے کارروائی کرتے ہوئے ان کے قافلے میں شامل ایک گاڑی قبضے میں لے لی اور 4 مسلح افراد کو گرفتار کرلیا۔