ملک کی موجودہ سیاسی صورتحال پر وزیراعظم شہبازشریف نے اتحادی جماعتوں کا اجلاس طلب کرلیا۔
وزیراعظم شہباز شریف نے اتحادی جماعتوں کا اجلاس طلب کرلیا ہے، اور وزیر اعظم ہاؤس کی جانب سے اتحادی جماعتوں کے سربراہوں کو اجلاس میں شرکت کے دعوت نامے بھجوا دیئے گئے ہیں۔
ذرائع کا کہنا ہے کہ موجودہ سیاسی اور ملکی صورتحال پر وزیر اعظم نے آج دو بجے اتحادی جماعتوں کا اجلاس طلب کیا ہے۔
اجلاس میں موجودہ سیاسی کشیدگی پر غور اور مستقبل کے لائحہ عمل پر تبادلہ خیال کیا جائے گا، جب کہ امن وامان، معاشی صورتحال اور صوبائی انتخابات پر بھی غور کیا جائے گا۔
