چیئرمین پاکستان تحریک انصاف (پی ٹی آئی) عمران خان کا کہنا ہے کہ یہ مجھے الیکشن تک کسی بھی طرح جیل میں ڈالنا چاہتے ہیں۔

ایک ٹویٹ میں عمران خان نے لکھا کہ میں عوام کا شکر گزار ہوں جو میری عدالت میں پیشی کے وقت آئے، ہر کوئی جانتا ہے بدمعاشوں کی حکمرانی کا ایک ہی مقصد ہے کہ مجھے الیکشن ہونے تک کسی بھی طرح جیل میں ڈال دیا جائے۔

پی ٹی آئی چیئرمین نے کہا کہ مجھ پر پہلے ہی چھیانوے مقدمات ہیں اور مجھے یقین ہے کہ آج پیشی کے بعد میں عدالتی مقدمات کی اپنی پہلی سنچری مکمل کروں گا۔