عمران خان نے زمان پارک آپریشن کا مقصد انتخابی مہم کی قیادت سے روکنا قراردیتے ہوئے کہا بشریٰ بیگم گھرمیں اکیلی ہیں، کس قانون کے تحت ایسا کیا جارہا ہے۔
توشہ خانہ کیس میں اسلام آباد کی جوڈیشل عدالت میں پیشی کے لیے آج صبح لاہورمیں اپنی رہائشگاہ زمان پارک سے روانہ ہونے والے عمران خان کچھ دیرمیں عدالت پہنچ جائیں گے۔
عمران خان نے ٹوئٹرپرویڈیو بیان میں کہا کہ ، ’اب یہ واضح ہو چکا ہے کہ میرے تمام مقدمات میں ضمانت ملنے کے باوجود پی ڈی ایم حکومت مجھے گرفتار کرنے کا ارادہ رکھتی ہے۔‘
عمران خان نے ایک اورٹویٹ میں سوال اٹھایا کہ پنجاب پولیس نے زمان پارک میں میرے گھر پر حملہ کیا جہاں بشریٰ بیگم اکیلی ہیں۔ وہ کس قانون کے تحت ایسا کر رہے ہیں؟۔
انہوں نے کہا کہ یہ لندن پلان کا حصہ ہے جس میں مفرورنوازشریف کو اقتدارمیں لانے کا وعدہ کیا گیا تھا تاکہ ایک تقرری پررضامندی ظاہر کی جا سکے۔
عمران خان کے مطابق ، ’ بدنیتی کو جاننے کے باوجود میں اسلام آباد جا رہا ہوں اورعدالت کا کہنا ہے کہ میں قانون کی حکمرانی پریقین رکھتا ہوں۔ لیکن دھوکے بازوں کے اس گروہ کا ناپاک ارادہ سب پرواضح ہونا چاہیے۔’
ایک اور ٹویٹ میں عمران خان نے لکھا کہ اب یہ بھی واضح ہے کہ لاہور کا پورا محاصرہ کسی مقدمے میں عدالت کے سامنے پیش ہونے کو یقینی بنانے کے لیے نہیں تھا بلکہ اس کا مقصد مجھے جیل لے جانا تھا تاکہ میں اپنی انتخابی مہم کی قیادت نہ کرسکوں۔
ا۔
