بھارت میں چہل قدمی کے لئے اپنے بیٹے کے ہمراہ گھر نکلنے والی ایک خاتون جج کو ملزمان نے لوٹ لیا اور قیمتی سامان لیکر فرار ہوگئے۔
بھارتی میڈیا کے مطابق واقعہ دہلی کے گلابی باغ میں واقع خاتون جج کی رہائش گاہ کے باہر پیش آیا۔ ملزمان نے بیگ چوری کرتے ہوئے خاتون جج کو زمین پر دھکا دیا جس کی وجہ سے ان کے سر پرمعمولی چوٹ آئی۔
مذکورہ واقعے کے دوسرے روز ہی خاتون جج کے بیٹے نے شکایت درج کرائی، جس میں الزام لگایا گیا کہ اس کی ماں، رچنا تیواری کو6 مارچ کی رات 10 بجے کے قریب موٹرسائیکل پر سوار دو ملزمان نے لوٹ لیا۔
مزید بتایا کہ ملزمان خاتون کا ہینڈ بیگ چوری کیا، جس میں مبینہ طور پر 8 سے 10 ہزار روپے سمیت چند دستاویزات، اور اے ٹی ایم کارڈ بھی موجود تھا ۔
پولیس نے دوران تفتیش سی سی ٹی وی فوٹیج کی مدد سے ملزم کو گرفتار کرتے ہوئے اس کی موٹر سائیکل ضبط کرلی، جبکہ گلابی باغ کے پولیس سپرنٹنڈنٹ نے دو مشتبہ افراد کو گرفتار کیا، جن کے قبضے سے پولیس نے ایک موٹر سائیکل، ایک اے ٹی ایم کارڈ اور 4,500 روپے نقد بھی برآمد کی ہے۔
