جنوبی وزیرستان میں سیکیورٹی فورسز سے جھڑپ میں شدید فائرنگ کے تبادلے میں 8 دہشت گرد ہلاک اور 2 سپاہی زخمی ہوگئے۔
پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے زنگاڑہ میں دہشت گردوں کی موجودگی کی اطلاع پر سیکیورٹی فورسز نے آپریشن کیا۔
آئی ایس پی آر کا کہنا ہے کہ سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس میں مارٹر بھی استعمال کیے گئے، آپریشن کے دوران 8 دہشت گرد ہلاک ہوگئے۔
آئی ایس پی آر کے مطابق آپریشن میں پاک فوج کے 2 جوان زخمی ہوئے جبکہ بدقسمتی سے فائرنگ کی زد میں آکر 2 بچے شہید ہوگئے۔
