کراچی میں مدینہ کالونی کی رہائشی ساتویں جماعت کی طالبہ کی خودکشی کی کوشش اہل علاقہ نے ناکام بنادی۔
کراچی میں خود کشی کی کوشش کرنے والی طالبہ کریسنٹ اسکول بلدیہ ٹاؤن مدینہ کالونی ٹیپوسلطان روڈ برانچ میں زیر تعلیم ہے۔
علاقہ مکین کے مطابق بچی نے رہائشی عمارت کی چھت سے کودنے کی کوشش کی تو اہل علاقہ جمع گئے اور انھوں نے بچی کو بچالیا۔
اہل علاقہ کے مطابق ساتویں جماعت کی طالبہ عمارت کی چھت سے چھلانگ لگانے والی تھی لیکن لوگوں نے بروقت پہنچ کر اسے بچا لیا۔ اس کا ہاتھ پکڑ کر اس کی زندگی محفوظ بنا دی گئی۔
بتایا جا رہا ہے کہ طالبہ نے اپنے ہاتھ کی کلائی بھی کاٹی تھی تاہم بچی کو علاقہ کے اسپتال منتقل کیا گیا۔
ساتویں جماعت کی طالبہ نے والدین کی ڈانٹ کے باعث خودکشی کی کوشش کی۔
