گوادر اور دران میں پاکستان کوسٹ گارڈز نے کارروائی کرتے ہوئے117 ملین ڈالر کی مالیت کی منشیات اسمگلنگ ناکام بنادی۔

کارروائی کے دوران 1,650 کلو گرام حشیش اور69 کلو اعلیٰ کوالٹی کی آئس برآمد کی ہے۔ منشیات سمندر کے راستے بیرون ملک اسمگل ہونا تھی۔

بھاری مقدار میں منشیات اسمگل ہونے کی اطلاع خفیہ ذرائع سے ملی تھی، جنرل ایریا دران کے قریب دو مشکو ک گاڑیوں کو رکنے کا اشارہ کیا گیا۔

ملزمان نے گاڑیوں کی رفتار تیز کرتے ہوئے فرار ہونے کی کوشش کی اور گاڑیوں کا پیچھا کرنے پر ملزمان گاڑیاں چھوڑ کر فرار ہوگئے۔