خیبرپختونخوا کی نگراں حکومت نے کفایت شعاری پالیسی پر عمل کرتے ہوئے سرکاری دفاتر میں منرل واٹر کے استعمال پر پابندی عائد کردی ہے۔

پاکستان میں مالی بحران کے باعث خیبرپختونخوا حکومت نے کفایت شعاری پالیسی پر عمل کرتے ہوئے احسن اقدام اٹھایا ہے۔

خیبرپختونخوا حکومت نے سرکاری دفاتر میں منرل واٹر کے استعمال پر پابندی عائد کردی ہے۔

صوبائی محکمہ خزانہ کی جانب سے تمام سرکاری دفاتر کو سرکلر جاری کردیا گیا ہے۔

سرکلر میں کہا گیا ہے کہ آئندہ سرکاری دفاتر اور اجلاس کے لیے منرل واٹر کی فراہمی کے لئے کوئی ڈیمانڈ منظور نہیں ہوگی۔

محکمہ خزانہ کا کہنا ہے کہ سرکاری دفاتر میں منرل واٹر کے استعمال پر پابندی کا فیصلہ مالی بحران کے باعث کفایت شعاری اقدامات کے تحت کیا گیا۔