کتے اور انسان کی دوستی کے قصے تو آپ نے خوب سنے ہونگے لیکن کبوتر کی مالک کے ساتھ محبت نے مثال قائم کردی ہے۔

پشاورکے نسیم عالم اور ان کے کبوتر کی وفاداری ایسی ہے کہ مالک جب سیٹی مارے، تو کبوتر کہیں بھی ہو ان کے پاس پہنچ جاتا ہے۔

نسیم عالم کے ہمراہ ان کا کبوتر روزانہ شہر بھر کا چکر بھی لگاتا ہے، نسیم کا موٹرسائیکل 50 کی اسپیڈ سے جارہا ہو، یا 60 کبوتر ان کے ساتھ ساتھ ہی اُڑتا اور مستی کرتا ہے۔

نسیم کا کہنا ہے کہ وہ کبوتر کی خوراک کا خاص خیال رکھتے ہیں، باجرے اور گندم کے ساتھ ساتھ کبوتر کے پرمضبوط کرنے کے لیے اس کو بادام بھی کھلاتے ہیں۔

نسیم کے کبوتر کو دیکھ کر لوگ نا صرف اس کے ساتھ تصاویر بناتے ہیں بلکہ اُس کے ساتھ خوب مستیاں بھی کرتے ہیں۔