چیئرمین تحریک انصاف عمران خانے اپنے تمام کیسز میں ویڈیو لنک پر پیشی کے لئے اسلام آباد ہائی کورٹ میں درخواست دائر کردی۔
چیئرمین تحریک انصاف عمران خان نے اسلام آباد ہائی کورٹ میں نئی درخواست دائر کردی ہے، جس میں استدعا کی گئی ہے کہ اسلام آباد کے تمام کیسز میں ویڈیو لنک پر پیشی کی اجازت دی جائے۔
عمران خان نے اپنی درخواست میں استدعا کی ہے کہ ذاتی پیشی سےعدالتی کارروائیاں بھی تعطل کا شکار ہوتی ہیں، اس لئے عدالت ومجھے ویڈیو لنک پر پیشی کی اجازت دی جائے۔
عمران خان نے درخواست میں اپنے تمام کیسز جوڈیشل کمپلیکس میں چلانے کی بھی تجویز دی ہے اور استدعا کی ہے کہ عدالت پیشیوں کے دوران مکمل سیکیورٹی کا حکم دیا جائے، جب کہ موٹروے ہائی وے پر سیکیورٹی فراہمی کے احکامات دیئے جائیں۔
