اداکار احد رضا میر کے چھوٹے بھائی عدنان رضا میر شوبز انڈسٹری میں قدم رکھنے کو تیار ہیں اور بہت جلد رمضان سپیشل میں ڈیبیو کرتے نظر آئیں گے۔
عدنان رضا میر نے اپنے والد آصف رضا میر اور بڑے بھائی احد رضا میر کے نقشِ قدم پر چلتے ہوئے اداکاری کے شعبے میں اپنی قسمت آزمانے کا فیصلہ کیا ہے۔
وہ بہت جلد رمضان اسپیشل ٹی وی ڈرامے“ فیری ٹیل“ میں اپنے ٹیلی ویژن کیرئیر کا آغاز کریں گے۔
اس ڈرامے کے مرکزی کرداروں میں حمزہ سہیل اور سحر خان شامل ہیں جبکہ عدنان رضا میر ان دونوں کے ساتھ نظر آئیں گے۔
اس ڈرامے کی کہانی سائرہ نجیب نے لکھی ہے جبکہ ہدایت کاری علی حسن کریں گے۔
