پیپلز پارٹی رہنما اور وفاقی وزیر شیری رحمان نے کہا ہے کہ دس ماہ اداروں کے خلاف ہرزا سرائی کرنے والا اب کہتا ہے اداروں سے کوئی لڑائی نہیں ہے۔

شیری رحمان نے سماجی رابطے کی ویب سائٹ ٹوئٹر پر لکھا کہ اداروں اور امریکا پر الزامات لگانے والے عمران خان انتخابات سے پہلے امریکا سے خوشگوار تعلقات کے خواہش مند ہیں، یہ سیاست نہیں منافقت ہے، تحریک انصاف کو اقتدار میں آنے کے لئے بےساکھیاں چاہئیں۔

شیری رحمان نے مزید کہا کہ عمران خان کو اگر الیکشن فریم ورک پر بات کرنی ہوتی تو پارلیمنٹ سے رجوع کرتے، یہ الیکشن نہیں سلیکشن فریم ورک کی تلاش میں ہیں۔

وفاقی وزیر شیری رحمان کا کہنا ہے کہ سیاستدانوں سے ہاتھ نا ملانے والے عمران خان اب بات کرنے کے لیے پاؤں پکڑ رہے ہیں۔