تحریک انصاف کے چیئرمین عمران خان کا کہنا ہے کہ عوام حکومت کی بھاری قیمت ادا کررہی ہے۔

سماجی رابطے کی ویب سائٹ ٹویٹر پر اپنی ٹویٹ میں چیئرمین پی ٹی آئی عمران خان کا کہنا تھا کہ پی ڈی ایم کی حکومت میں روپے کا معاشی قتل جاری ہے، اور صرف 11 ماہ میں روپے میں 62 فیصد کمی ہوئی۔

عمران خان کا کہنا تھا کہ11 ماہ میں ڈالر کے مقابلے میں روپیہ 110 روپے گرا، اور روپے کی اس بے قدری کے باعث قرضہ 14.3 کھرب بڑھ گیا۔

چیئرمین پی ٹی آئی نے کہا کہ مہنگائی پاکستان کی 75 سالہ تاریخ کی بلند ترین سطح 31.5 فیصد پر پہنچ گئی ہے، پاکستان کے عوام حکومت تبدیلی کی بھاری قیمت ادا کر رہے ہیں۔