وزیراطلاعات سندھ شرجیل انعام میمن نے کہا کہ چئیرمین تحریک انصاف عمران خان سندھ میں بھی جیل بھروتحریک چلائیں پک اینڈ ڈراپ کی سہولت فراہم کریں گے۔

سندھ اسمبلی کے باہرمیڈیا سے گفتگوکرتے ہوئے انہوں نے کہا کہ بغیررجسٹریشن گاڑیوں کی پکڑدھکڑجلد شروع ہوجائے گی قانون سے بالا ترکوئی نہیں ہے۔

پولیس اور ایکسائزڈیپاٹمنٹ نے کارروائی شروع کردی ہے آج اور کل بڑا کریک ڈاؤن شروع ہوجائے گا قانون کسی کوہاتھ میں لینے نہیں دی جائے گا۔

شرجیل میمن نے چئیرمین تحریک انصاف پر تنقید کرتے ہوئے کہا کہ عمران خان سندھ میں بھی جیل بھروتحریک چلائیں پک اینڈ ڈراپ کی سہولت فراہم کریں گے۔

ان کا کہنا تھا کہ عمران خان برطانیہ میں بھی جیل بھروتحریک شروع کری اور اپنے بچوں کو بھی تحریک میں شامل کریں عمران خان صرف عدالتوں سے ریلیف چاہتے ہیں۔