سندھ ہائی کورٹ نے لاپتہ افراد کی بازیابی کے لیے تمام تر وسائل بروئے کار لانے کی ہدایت کردی ہے۔
لاپتہ افراد کی بازیابی سے متعلق درخواستوں کی سماعت ہوئی جس پرعدالت نے پولیس رپورٹس پرعدم اطمینان کا اظہارکردیا۔
عدالت نے صوبائی، وفاقی حکومتوں سے جواب طلب کرتے ہوئے لاپتہ افراد کی بازیابی کے لیے تمام تر وسائل بروئے کارلانے کی ہدایت کی ہے۔
دوران سماعت دھنی بخش کی بہن خان زادی نے کہا کہ میرے بھائی کو2019 میں اٹھایا گیا تھا اور چارسال ہوگئے آج تک کچھ نہیں بتایا گیا۔
خان زادی نے کہا کہ ہرسماعت پرآتے ہیں مگر کوئی پیشرفت نہیں ہوتی، جس کے بعد عدالت نے ڈی آئی جی ملیر کو21 مارچ کے لیے طلب کرلیا۔
