وفاقی وزیر اور رہنما مسلم لیگ (ن) سردار ایاز صادق کا کہنا ہے کہ ہمیں عدلیہ سے توقع ہے کہ وہ عمران خان کے کیسز کا جلد فیصلہ کرے گی۔

لاہور میں ایک تقریب سے خطاب کرتے ہوئے ایاز صادق نے کہا کہ عمران خان نے پاکستان کو اپنی ذات کی خاطر مشکلات میں ڈال دیا ہے، یہ ایک محسن کش شخص ہے، عدلیہ سے توقع ہے کہ وہ عمران خان کے کیسز کا جلد فیصلہ کرے گی۔

لیگی رہنما نے کہا کہ نواز شریف بہت جلد پاکستان واپس آئیں گے، ن لیگ انتخابی مہم کا آغاز کر چکی ہے، ہم رواداری کی سیاست پر یقین رکھتی ہیں، ہم نے کبھی گالم گلوچ کی سیاست کو سپورٹ نہیں کیا۔

انتخابات کے معاملے پر ایاز صادق کا کہنا تھا کہ الیکشن کمیشن اور عدلیہ انتخابات کا فیصلہ کریں گے، البتہ صوبائی اور قومی اسمبلی کے انتخابات اکٹھے ہونے چاہیے۔