لاہور ہائیکورٹ میں وفاقی کابینہ کا حجم 11 فیصد کی بجائے 23 فیصد بڑھانے کا اقدام چیلنج کردیا گیا ہے۔
عدالت میں درخواست منیر احمد نامی شہری نے اظہر صدیق ایڈووکیٹ کے توسط سے دائر کی، جس میں مؤقف پیش کیا ہے کہ قانون کے تحت کُل ایوان کے 11 فیصد ارکان پرمشتمل کابینہ تشکیل دی جاسکتی ہے۔
درخواست گزار نے کہا کہ اس وقت کابینہ ممبران کی تعداد 85 ہوچکی ہے اور موجودہ حکومت نے غیر قانونی طور پر کابینہ کا حجم 23 فیصد تک بڑھایا ہے۔
مزید کہا کہ قانون سے ہٹ کر معاونین اور مشیر مقرر کرکے خزانے پر بوجھ ڈالا گیا جبکہ 38 معاون خصوصی کو غیر قانونی طور پر وزیر کا درجہ دیکر مراعات سے نوازا جا رہا ہے۔
مزید پڑھیں: وفاقی کابینہ میں مزید توسیع: وزیراعظم نے مزید 4 معاون خصوصی مقرر کردیئے
دائر درخواست میں استدعا کی گئی ہے کہ عدالت کابینہ کے غیر قانونی طور پر بڑھائے گئے حجم کو غیر قانونی قرار دے۔
