وفاقی کابینہ کے آج ہونے والے اجلاس کا شیڈول میں تبدیل کردیا گیا۔

ذرائع کے مطابق وفاقی کابینہ کا اجلاس آج صبح کے بجائے سہہ پہر 3 بجے منعقد ہوگا۔

وفاقی کابینہ اجلاس کی صدارت وزیراعظم شہباز شریف کریں گے، جس کا 3 نکاتی ایجنڈا جاری کردیا گیا۔

وفاقی کابینہ میں توشہ خانہ پر بین الوزارتی رپورٹ پیش ہوگی جبکہ اجلاس میں بجلی کے حالیہ بریک ڈاؤن پر بھی رپورٹ پیش ہوگی۔

کابینہ میں واہگہ بارڈرکے ذریعے 50 ہزارمیٹرک ٹن گندم اورادویات افغانستان بھجوانے کی اجازت کا معاملہ پیش ہوگا۔

اجلاس میں ملکی سیاسی صورتحال پر اہم فیصلے متوقع ہیں جبکہ صدر کی جانب سے الیکشن تاریخوں کے اعلان پربھی مشاورت ہوگی۔

وفاقی کابینہ اجلاس میں معاشی صورتحال پر وزیر خزانہ اسحاق ڈار بریفنگ دیں گے۔

ذرائع کے مطابق نئے چیرمین نیب کے معاملے پر بھی بات چیت ہو گی۔