کراچی کے شہری اپنا دفاع خود ہی کرنےلگے، تھانہ عزیز بھٹی کی حدود میں شہری کی فائرنگ سے دو مبینہ ملزمان ہلاک ہوگئے۔

پولیس کے مطابق ملزمان شہری سے لوٹ مار کررہے تھے اس دوران متعلقہ شخص نے لٹیروں پر فائرنگ کردی۔ جس کے نتیجے میں دونوں مبینہ ملزمان مارےگئے۔

پولیس کا کہنا ہے کہ فائرنگ سے ہلاک ملزمان کے قبضے سے متعدد موبائل فونز اور موٹر سائیکل براۤمد ہوئی ہے۔

پولیس حکام نے کہا ہے کہ واقعے کی مختلف پہلوؤں سے تحقیقات شروع کردی گئی ہیں۔