نوبل انعام یافتہ ملالہ یوسفزئی کا شماراب ایسی شخصیات میں ہوتا ہے کہ معروف ترین شخصیات خود ان کے ساتھ سیلفی لینا پسند کرتی ہیں۔
بالی ووڈ کے شوخ اور اپنی منفرد اسٹائلنگ کے باعث شہرت رکھنے والے اداکار رنویر سنگھ بھی ملالہ کی صلاحیتوں کے معترف نکلے اور ملاقات ہونے پرسیلفی لے لی۔
رنویر نے انسٹااسٹوریزمیں ملالہ اور ان کے شوہر عصر ملک کے ہمراہ لی جانے والی ایک دلکش تصویرشیئرکی ہے، خوشگوار موڈ میں لی جانے والی اس سیلفی کو شیئرکرتے ہوئے رنویر نے دل والے ایموجی کے ساتھ ملالہ کا نام لکھا۔
یہ سیلفی امریکی ریاست یوٹاہ کے سالٹ لیک سٹی میں این بی اے کی جانب سے منعقدہ آل اسٹار سیلیبریٹی گیمزکے دوران لی گئی جس میں ہالی ووڈ کی اسٹار سیلیبرٹیز نے بھی شرکت کی۔
دوسری جانب ملالہ نے بھی رنویرکی سیلفی کو انسٹااسٹوریز میں ری شیئرکرتے ہوئے اپنے نصف بہتر عصر ملک کے ساتھ بھی ایک خوبصورت تصویر شیئرکی۔
