وزیرخارجہ بلاول بھٹوزرداری نے وزیردفاع اور تحادی جماعت کے اہم رہنما خواجہ آصف کے ملک دیوالیہ ہونے سے متعلق بیان کی تردید کردی۔
دو روز قبل خواجہ آصف نے اپنے ایک بیان میں کہا تھا کہ ، “ ملک دیوالیہ ہوچکا اور ہم ایک دیوالیہ ملک کے رہنے والے ہیں“۔
اس بیان پرسیاسی مخالفین کی جانب سے وزیردفاع کوشدید تنقید کا نشانہ بنایا گیا، اب بلاول کی جانب سے کہا گیا ہے کہ خواجہ آصف نے یہ بیان سیاسی تناظر میں دیا تھا۔
بلال بھٹو زرداری کا کہنا تھا کہ ہم جن مشکل حالات سے گزر رہے ہیں ، وزیردفاع ان کا ذکر کررہے تھے انہوں نے یہ تکنیکی لحاظ سے نہیں کیا۔
انہوں نے مزید کہا کہ آئی ایم ایف سے بات چیت کا سلسلہ جاری ہے۔
