پی ٹی آئی چیئرمین عمران خان کا کہنا ہے کہ کراچی پولیس آفس حملے میں جان دینے والے اجمل مسیح کو نہیں بھولنا چاہیئے، بدقسمتی سے ہم دہشت گردی سے متاثرہ افراد کو بھول جاتے ہیں۔

سماجی رابطے کی ویب سائٹ ٹوئٹر پر جاری بیان میں عمران خان نے کہا کہ ہمیں اجمل مسیح کو نہیں بھولنا چاہیئے، جس کی جان کراچی پولیس آفس (کے پی او) حملے میں چلی گئی، حکومت کو اجمل مسیح کے خاندان کی کفالت کرنی چاہیئے۔

بدقسمتی سے ہم دہشت گردی سے متاثرہ افراد کو بھول جاتے ہیں، یہ لوگ اپنے خاندان کے واحد کفیل ہوتے ہیں، ان متاثرین کے پیچھے ایسے بھی ہوتے ہیں جن کا انحصار ان پر ہوتا تھا۔