پاکستان تحریک انصاف خیبر پختونخوا نے جیل بھرو تحریک گرفتاریوں کی تاریخ دے دی ہے۔
صدر ضلع پشاوراشتیاق ارمڑ کا کہنا ہے کہ عمران خان کی جانب سے پیغام موصول ہوگیا جیل بھرو تحریک کا آغاز جمعرات سے ہوگا، 2 بجے تک ایم این ایز، ایم پی ایز اور ڈسٹرکٹ صدرو گرفتاریاں دیں گے۔
دوسری جانب جیل بھرو تحریک کے فوکل پرسن اعجاز چوہدری نے کہا کہ چئیرمین پی ٹی آئی عمران خان کو بھی گرفتاری سے استثنی نہیں، پارٹی فیصلہ کریگی کہ کب کس نے گرفتاری دینی ہے۔
یاد رہے کہ چیئرمین پی ٹی آئی عمران خان نے کہا تھا کہ بدھ سے جیل بھرو تحریک شروع کر رہا ہوں، تحریک آغاز لاہور سے کریں گے۔
عمران خان کا کہنا تھا کہ بڑے شہروں سے ہر گزرتے دن گرفتاریاں دیں گے، یہ ہمیں جیل سے ڈرا رہے ہیں، ہم جیلیں بھر دیں گے۔
