کراچی میں محکمہ انسداد تجاوزات کی جانب سے ڈسٹرکٹ ایسٹ اورسینٹرل میں گرینڈ آپریشن کرتے ہوئے سڑکوں پر قائم پتھارے، کیبنز اور ٹھیلوں سمیت دیگر تجاوزات ہٹا دیئے۔

سینئر ڈائریکٹرعمران راجپوت نے کہا کہ نشترروڈ سے پر پتھارے، کیبنز، تھیلے ہٹا دیے گئے جبکہ کارروائی فیڈرل بی ایریا کے بلاک 16،17،19 اور 20 میں کی گئی ہے۔

انہوں نے مزید کہا کہ سڑک کے دونوں اطراف تجاوزات کا خاتمہ کیا جس دوران پنچر کے کیبنز، اسٹالز اور پتھارے ضبط کر لیے گئے ہیں۔

سینئرڈائریکٹرکے ایم سی کے مطابق آپریشن میں کے ایم سی عملے کو پولیس کی مدد حاصل تھی جبکہ تجاوزات کے خلاف آپریشن روزانہ کی بنیاد پرکیا جائے گا۔