منی لانڈرنگ کیس میں احتساب عدالت لاہور کا کہنا ہے کہ نیب تفتیش مکمل کرکے نئے ملزمان کی حد تک جلد سپلیمنٹری ریفرنس دائر کرے۔
عدالت نےہدایت کی کہ جب تک نئے ملزمان کا سپلیمنٹری ریفرنس دائر نہیں ہوتا پرانے ملزمان کا ٹرائل رکا رہے گا۔
سماعت کےدوران نیب نے تفتیش مکمل کرنے کیلیے ایک ماہ کی مہلت مانگی، جس پر عدالت نےکہا کہ اتنی مہلت نہیں دی جا سکتی ہے جلد تفتیش مکمل کریں۔
دوسری طرف وزیراعظم پاکستان کے داماد ہارون یوسف کی عبوری ضمانت کی درخواست پر سماعت ہوئی۔ عدالت نے ہارون یوسف کی عبوری ضمانت میں یکم مارچ تک توسیع کر دی۔
عدالت نے شریک ملزم سید طاہر نقوی کی عبوری ضمانت میں بھی یکم مارچ تک توسیع کر دی۔
