ننکانہ صاحب واقعے کی انکوائری رپورٹ موصول ہونےکےبعد نگراں وزیراعلیٰ پنجاب محسن نقوی نے ڈی پی او ننکانہ صاحب کو عہدے سے ہٹانے کا فیصلہ کرلیا
ننکانہ واقعے کی انکوائری ایڈیشنل آئی جی ذوالفقار کی سربراہی میں 3 رکنی کمیٹی نے کی اور رپورٹ نگراں وزیراعلیٰ پنجاب کو پیش کی۔
ذرائع کےمطابق رپورٹ موصول ہونےپر محسن نقوی نے ڈی پی او ننکانہ کو عہدے سے ہٹانے کا فیصلہ کرلیا ہے جبکہ دیگر ذمہ داران کیخلاف ٹرائل جلد مکمل کرنے کی بھی ہدایت کردی ہے۔
ننکانہ صاحب میں چند روز قبل قرآن مجید کی مبینہ طور پر بےحرمتی کرنےپر اہل علاقہ مشتعل ہوگئےتھے۔
مشتعل مظاہرین نےتھانہ واربرٹن پر حملہ کرکےزیرحراست ملزم کو حوالات سےنکال کر تشدد کرکےمار ڈالا تھا۔
حالات قابو سےباہر ہونےکےبعد ایس ایچ او سمیت پولیس اہلکار تھارنہ چھوڑ کر فرار ہوگئے تھے۔
