ترکیہ میں آنے والے خوفناک زلزلے سے نقصانات کا تخمینہ 20 بلین ڈالر سے تجاوز کرگیا ہے۔

ترک صدر رجب طیب اردوان نے کہا کہ عمارتوں کے ملبے سے 8 ہزار افراد کو زندہ نکالا جا چکا ہے جبکہ زلزلے کی طاقت ایٹم بم جتنی بڑی تھی اور اس طرح کی تباہی میں کسی بھی ملک کو ایسے ہی مسائل کا سامنا کرنا پڑے گا۔

ان کا کہنا تھا کہ ماضی میں عمارتوں کی تعمیر کے لیے سخت قوانین بنانے کی ضرورت تھی۔

سیکریٹری جنرل اقوام متحدہ کے مطابق شام میں زلزلے سے 90 لاکھ افراد متاثر ہوئے، 53 لاکھ افراد بے گھر ہوگئے ہیں۔

اقوام متحدہ نے شام کے لیے 39 کروڑ 70 لاکھ ڈالر کی اپیل کردی ہے۔