پچھلی سماعت میں دوسالہ بچے کو بے نظیر انکم سپورٹ پروگرام فراڈ کیس میں نامزد کرنے کے بعد پولیس نے آج کیس کا عبوری چالان جوڈیشل میجسٹریٹ غربی کی عدالت میں جمع کرادیا۔

پولیس نے دو سالہ بچے فیاض شاہ سمیت چار ملزمان کے نام کیس سے خارج کرنے کی سفارش کردی۔

دو سالہ فیاض کے علاوہ دیگر ملزمان جنہیں کیس سے خارج کرنے کی سفارش کی گئی ان میں زین، سلیمان اور ابرار شامل ہیں۔

چالان کے مطابق 11 جنوری کو مسان چوک اے ٹی ایم سے ملزم شہریار کو گرفتار کیا گیا تھا۔

ملزم نے انکشاف کیا کہ وہ اور اس کے دوست ارسلان نے تین تھمب امپریشن استعمال کرکے 21 ہزار نکالے ہیں، ملزم ارسلان رقم لے کر فرار ہوگیا۔