ٹکٹوں کی تقسیم کے معاملے پر عمران خان کی زیر صدارت پیر کو ہونے والے جنوبی پنجاب پارلیمانی بورڈ کے اجلاس کی اندرونی کہانی سامنے آگئی۔

ذرائع کےمطابق تحریک انصاف نے جنوبی پنجاب کے سابقہ ارکان پنجاب اسمبلی کو ہی میدان میں اتارنے کا فیصلہ کیا ہے۔ ساتھ ہی 2018 کےالیکشن میں ناکام امیدواروں پر نظر ثانی کا فیصلہ بھی کیا گیا۔

ذرائع کا کہنا ہے کہ چیئرمین پی ٹی آئی عمران خان کی ہدایت پر ہارنے والے حلقوں سے اچھے امیدواروں کے لیے سروے پر کام شروع کردیا گیا ہے۔

ذرائع کے مطابق پی ٹی اۤئی جنوبی پنجاب کا پارلیمانی بورڈ آئندہ چند روز میں سروے مکمل کرکے رپورٹ پیش کرے گا، سروے کی روشنی میں پارٹی چیئرمین ٹکٹوں کی تقسیم کا حتمی فیصلہ کریں گے۔