آج صبح 91 برس کی عمرانتقال کرنے والے ملک کے معروف اداکارو صدا کار ضیاء محی الدین کی نماز جنازہ ادا کردی گئی ہے۔
نماز جنازہ میں بڑی تعداد میں عمائدین اور معززین سمیت شہریوں نے شرکت کی جبکہ مرحوم کی تدفین ڈیفنس فیز 8 کے قبرستان میں کردی گئی ہے۔
مرحوم کئی روز سے شدید علالت کے باعث نجی اسپتال میں ونیٹی لیٹر پرتھے۔
اس کے علاوہ 20 جون 1931 کو فیصل آباد میں پیدا ہونے والے ضیاء محی الدین نے 1949ء میں گورنمنٹ کالج لاہور سے گریجویشن کیا۔
انہوں نے ریڈیوآسٹریلیا سے صداکاری کا آغازکیا اور پاکستانی سینما اور ٹی وی اسکرین کے علاوہ کافی عرصے تک برطانوی تھیٹرکیلئے بھی کام کرتے رہے۔
انہوں نے رائل اکیڈمی آف ڈراماٹک آرٹ لندن سے اداکاری کی تربیت حاصل کررکھی تھی۔
ضیاء محی الدین نے آرٹس کونسل کے سامنے کراچی کے ہندوجم خانہ کی عمارت میں 2004 میں نیشنل اکیڈمی آف پرفارمنگ آرٹ (NAPA )کی بنیاد رکھی اور زندگی کے آخری لمحات تک اس کے سربراہ رہے۔
