پاکستان تحریک انصاف (پی ٹی آئی) کے رہنما عامر محمود کیانی نے این اے 61 کے لئے اپنے کاغذات نامزدگی جمع کرا دیے۔

ریٹرننگ افسر (آر او) این اے 61 ذوالقرنین حیدر نے کاغذات نامزدگی وصول کیے۔

عامر محمود کیانی کے ہمراہ راجہ بشارت اور ملک تیمور بھی الیکشن کمیشن کے دفتر آئے تھے۔

اس موقع پر میڈیا سے بات کرتے ہوئے راجہ پشارت نے کہا کہ انتخابات میں تاخیر کا کوئی سوال پیدا نہیں ہوتا، انتخابات کرانے کے لئے پی ٹی آئی نے عدالت سے رجوع کیا ہے۔

انہوں نے مزید کہا کہ 90 دن کے دوران انتخابات کرانا آئین میں درج ہے، پی ٹی آئی عام اور ضمنی انتخابات کے لیے ہر وقت تیار ہے۔