غذر میں شدید برفباری کے باعث بالائی علاقوں کا دوسرے شہروں سے زمینی رابطہ کٹ گیا لوگوں کو اشیاء خوردونوش کے حصول میں مشکلات کا سامنا ہے۔
حالیہ دو روز سے ہونے والی والی برف باری سے علاقے میں سردی کی شدت میں اضافہ ہوگیا ہے۔
غذر کے بالائی علاقے درکوت کا زمینی رابطہ منقطع ہونے کی وجہ سے اس علاقے کے مکینوں کو اشیاء خوردونوش کے حصول میں سخت مشکلات کا سامنا ہے۔
شدید برفباری سے علاقے کے مکینوں کی مشکلات میں مزید اضافہ ہوگیا ہے، دوسری جانب محکمہ تعمیرات عامہ غذر کی جانب سے آج روڈ کھولنے کے لیے مشنیری لگا دی گئی ہے۔
عذر کے بالائی علاقوں کے مکینوں کا کہنا ہے کہ زمینی رابطہ بحال نہ ہوا تو غذائی قلت کا خدشہ ہے۔
