اسلام آباد: پاکستان اور عالمی مالیاتی فنڈ (آئی ایم ایف) کے درمیان مذاکرات میں اہم پیشرفت ہوئی ہے۔
ایک بیان میں وزیر مملکت خزانہ عائشہ غوس پاشا نے کہا کہ حکومت کی کوشش ہے عام آدمی پر بوجھ نہ پڑے، بجلی ٹیرف یا ٹیکس کا زیادہ بوجھ صاحب ثروت لوگوں پر ڈالیں گے۔
عائشہ غوس پاشا نے کہا کہ وزیراعظم شہباز شریف سے فیصلوں کی منظوری لے لی گئی ہے، آئی ایم ایف کے ساتھ معاہدہ پاکستان کی ضرورت ہے، لہٰذا آئی ایم ایف مشن وزیر خزانہ اسحاق ڈار سے ملاقات کرے گا۔
