جماعت اسلامی کراچی کے امیر حافظ نعیم الرحمان نے خبردار کرتے ہوئے کہا ہے کہ الیکشن کمیشن اپنی ساکھ بچائے، 22 فروری تک 6 یونین کونسلز کا فیصلہ سنا دے، عوام کے ووٹوں پر قبضہ برداشت نہیں کریں گے۔

کراچی میں پریس کانفرنس کرتے ہوئے حافظ نعیم الرحمان نے کہا کہ منگھو پیر کی یو سی 12 میں نتائج تبدیل کیے گئے، فارم 11 ہمارے پاس تھا، الیکشن کمیشن کی ذمہ داری ہے کہ چیزوں کو کلیئر کرے۔

22 فروری کو 6 یونین کونسلز کا فیصلہ ہونا چاہیئے، الیکشن کمیشن سے مطالبہ ہے 6 یوسی پر نتائج کا اعلان کرے۔

الیکشن کو 3 ہفتے گزر گئے ابھی تک آگے کی صورتحال واضح نہیں ہوئی، قومی اسمبلی کے ضمنی انتخابات کا فائدہ اس وقت پاکستان کو نہیں۔