پاکستان سپرلیگ (پی ایس ایل) کے آٹھویں ایڈیشن کے لئے 17 رکنی کمنٹری پینل کا اعلان کردیا گیا۔

پی سی بی نے سابق چیئرمین اور کمنٹیٹر رمیزراجہ کو پینل میں شامل نہیں کیا۔

پینل 15 کمنٹیٹرز اور 2 پرزینٹرز پر مشتمل ہے، جن میں 8 غیرملکی اور 7 پاکستانی کمنٹیٹرز پینل کا حصہ ہیں۔

کمنٹری پینل میں سائمن ڈول، ایلن ولکنز، وقار یونس اور ڈینی موریسن شامل ہیں، اس کے علاوہ عروج ممتاز، بازید خان، نک نائٹ، ثنا میر اور ڈیرن گنگا بھی پینل کا حصہ ہیں۔

پی ایس ایل 8 کے لئے پریزینٹرز میں ایرن ہالینڈ اور زینب عباس کا نام شامل ہے۔