اسلام آباد: وزیراعظم شہباز شریف کا دو روزہ دورہ ترکیہ ملتوی ہوگیا ہے۔
ذرائع کے مطابق وزیراعظم نے کل 2 روزہ دورے پر ترکیہ روانہ ہونا تھا جسے ملتوی کردیا ہے، شہباز شریف کے دورےکا شیڈول دوبارہ مرتب کیا جائے گا۔
ذرائع کے مطابق زلزلہ سے متاثرہ علاقوں میں بحالی کے کاموں کے باعث وزیراعظم کا دورہ ملتوی ہوا۔
وزیراعظم اور وزیرخارجہ کے دورے کا مقصد مصیبت کی گھڑی میں برادر ملک ترکیہ سے اظہار ہمدردی کرنا تھا، دورے کے دوران وزیراعظم شہباز شریف کی ترک صدر طیب ارگان سے بھی ملاقات متوقع تھی۔
اس سے قبل شہباز شریف کے دورہ ترکیہ کے باعث دہشت گردی سمیت دیگر چیلنجز سے نمٹنے کے لئے 9 فروری کو کو بلائی گئی آل پارٹیز کانفرنس (اے پی سی) مؤخر کردی گئی ہے۔
