سابق گورنر اور وزیراعلیٰ سردار مہتاب عباسی نے مسلم لیگ (ن) چھوڑنے کا فیصلہ کرلیا۔
ذرائع کے مطابق سردار مہتاب عباسی کا کل پارٹی سے علیحدگی کا اعلان متوقع ہے، لیگی رہنما پارٹی سے چھوڑنے کا اعلان پریس کانفرنس میں کریں گے۔
ذرائع کا کہنا ہے کہ سابق گورنر اور وزیر اعلیٰ نے پارٹی قیادت کی جانب سے نظر انداز کیئے جانے پر ن لیگ کو خیر باد کہنے کا فیصلہ کیا ہے۔
خیال رہے کہ سردار مہتاب عباسی مسلم ن لیگ کے مرکزی نائب صدر کی حیثیت سے خدمات انجام دے رہے ہیں۔
