اپر کوہستان میں ہربن کے مقام پر مسافر بس اور کار تصادم کے بعد کھائی میں جا گریں جس کے نتیجے میں 25 افراد جاں بحق جبکہ 12 زخمی ہوگئے۔

ہربن کے مقام پر گلگت بلتستان سے راولپنڈی جانے والی مسافر بس اور کار میں تصادم ہوا، حادثے کے بعد بس اور کار دونوں گہری کھائی میں جا گری جس کے باعث اب تک 25 افراد جاں بحق ہوگئے۔

ریسکیو ذرائع کے مطابق مسافر بس میں 20 افراد سوار تھے جبکہ مخالف سمت میں آنے والی کار میں 5 افراد سوار تھے۔

حکام کا کہنا ہے کہ 18 افراد کی لاشیں شتیال اسپتال منتقل کردی گئیں جبکہ زخمیوں کو آرایچ کیو اسپتال چلاس روانہ کردیا گیا ہے۔

ریسکیو حکام کے مطابق خوفناک ٹریفک حادثے میں جاں بحق ہونے والوں کی 18 لاشیں کھائی سے نکال لی گئی ہیں جب کہ مزید لاشوں کو نکالنے کے لئے آپریشن جاری ہے۔