پنجاب اور خیبرپختونخوا اسمبلیوں کے انتخابات سے متعلق الیکشن کمیشن کا اعلیٰ سطح اہم اجلاس آج دن 2 بجے ہوگا۔

ذرائع کے مطابق آج اعلیٰ سطح اہم اجلاس کی صدارت چیف الیکشن کمشنر سکندر سلطان راجہ کریں گے۔

اجلاس میں خیبرپختونخوا اور پنجاب کے چیف سیکرٹریزاور آئی جیز پولیس کو طلب کیا گیا ہے۔

دونوں صوبوں کے حکام الیکشن کمیشن کو انتخابات کے انعقاد کی تیاریوں پر بریفنگ دیں گے۔

الیکشن کمیشن کو دونوں صوبوں میں امن و امان کی صورتحال سے آگاہ کیا جائے گا۔

ذرائع کا کہنا ہے کہ الیکشن کمیشن بریفنگ کے بعد انتخابی تاریخ سے متعلق گورنرز سے رجوع کا فیصلہ کرے گا۔