اسلام آباد میں ایف نائن پارک میں خاتون کو گن پوائنٹ پر مبینہ اجتماعی زیادتی کا نشانہ بنایا گیا ہے۔

پولیس نے تھانہ مارگلہ میں زیادتی کی دفعہ کے تحت مقدمہ درج کر کے واقعے کی تحقیقات شروع کردی ہیں۔

ذرائع کے مطابق میاں چنوں سے تعلق رکھنے والی متاثرہ خاتون کا پمز اسپتال میں میڈیکل کرا کر سیمپل فارنزک لیبارٹری ارسال کردیا گیا ہے۔

مقدمہ میں کہا گیا ہے کہ میاں چنوں سے تعلق رکھنے والی لڑکی پراپرٹی کا کام کرتی ہے جو آفس اپنے کولیگ کے ساتھ ایف نائن پارک میں موجود تھی جہاں دو نامعلوم مسلح ملزمان نے آکر تلاشی لینا شروع کر دی۔

ایف آئی آر کے مطابق تلاشی کے بعد دونوں ملزمان مدعیہ اور اس کے ساتھی کو جنگل کی طرف لے گئے، جنگل پہنچتے ہی ملزمان نے ساتھی کو الگ کر دیا اور مدعیہ کو زیادتی کا نشانہ بنایا۔