پشاور پولیس لائنز دھماکے میں زخمی ہونے والا مردان کا رہائشی پولیس کانسٹیبل زخموں کی تاب نہ لاتے ہوئے شہید ہوگیا۔

مردان کے علاقے ظریف خان کلے سے تعلق رکھنے والا 6 بہنوں کا اکلوتا بھائی کانسٹیبل ذیشان خان گزشتہ تین روز سے موت و ذندگی کی کشمکش میں تھا، جو آئی سی یو وارڈ میں داخل تھا۔

شدید زخموں کی تاب نہ لاتے ہوئے ذیشان خان شہادت کو گلے لگا لیا، جبکہ خاندانی ذرائع کے کا کہنا ہے کہ شہید کانسٹیبل ذیشان خان کی دو ماہ قبل شادی ہوئی تھی، جس کا تعلق مردان کے تحصیل کاٹلنگ ظریف خان کلے سے ہے، جو گھر کا واحد کفیل تھا۔

یادر رہے کہ پشاور دھماکے میں مردان سے تعلق رکھنے والے شہداء کی تعداد 6 ہو گئی جبکہ دیگر جاں بحق افراد کی تعداد 100 سے تجاوز کر گئی ہے۔