کراچی کے علاقے پاک کالونی میں گزشتہ روز معروف بزنس مین پر ہونے والے قاتلانہ حملے کا مقدمہ درج کرلیا گیا ہے۔
پولیس نے مطابق مقدمہ زخمی بزنس مین محمد لاکھانی کی مدعیت میں درج کیا گیا ہے، مقدمے کے متن میں بتایا کہ کار میں 4 مسلح افراد آئے تھے جنہوں نے فائرنگ کی تھی۔
پولیس کا کہنا ہے کہ ملزمان نے فائرنگ کی، تو بزنس مین نے بھی جوابی فائرنگ کی، جس کے نتیجے میں ایک حملہ آور نیچے گرا جسے ساتھی ملزم ساتھ لے گیا۔
پولیس حکام کے مطابق مختلف پہلوؤں سے واقعہ کی تفتیش کی جارہی ہے۔
