مسلم لیگ (ن) کے سینئر نائب صدر شاہد خاقان عباسی کے ترجمان حافظ عثمان عباسی نے سابق وزیراعظم کے پارٹی عہدے سے استعفے کی خبروں کی تردید کردی۔

حافظ عثمان عباسی نے کہا کہ شاہد خاقان عباسی کے استعفے کی خبر بے بنیاد ہے، وہ پارٹی کے سینئر نائب صدر ہیں۔

ترجمان شاہد خاقان عباسی نے مزید کہا کہ مشکل حالات میں پارٹی نہیں چھوڑی آج کیوں چھوڑیں گے، شاہد خاقان عباسی نے مشرف دورمیں زندگی مشکل میں ڈالی، انہوں نے جیل کاٹی، اپنے مشن سے نہ ہٹے۔