مسلم لیگ (ن) کی سینئر نائب صدر مریم نواز وطن واپسی کے لئے لندن سے روانہ ہوگئیں۔

لیگی کارکنوں نے ہیھترو ایئرپورٹ سے مریم نواز کو رخصت کیا، مریم نواز نجی ایئر لائن کے ذریعے دبئی پہنچیں گی، جہاں وہ ایک روز قیام کریں گی۔

مریم نواز ہفتے کے روز 3 بجے لاہور ایئر پورٹ پہنچیں گی۔

ذرائع کے مطابق مریم نواز پاکستان پہنچ کر سیاست میں بھرپور حصہ لیں گی۔

مسلم لیگ ن کی سینئرنائب صدر مریم نواز اب چیف آرگنائزر کی حیثیت سے انتخابی مہم میں پیش پیش رہنے کے ساتھ پارٹی کو بھی منظم کریں گی۔

مریم نوازاکتوبر 2022 کو لندن روانہ ہوئیں تھیں اور تقریبا ساڑھے 3 ماہ بعد وطن واپس پہنچ رہی ہیں۔